Актуелниот шампион на Турција, Фенербахче нема да ја брани титулата во домашното првенство откако доживеа елиминација од својот ривал Анадолу Ефес во полуфиналето.
Ефес триумфираше со 3-1 во серијата, а победата вредна финале ја оствари вечерва како домаќин, совладувајќи го Фенер со 87-78. Натпреварот беше решен во последната минута, благодарение на серијата од 6-0 на Ефес откако Фенербахче се доближи на само три поени негатива (78-81).
An argument between Fenerbahce managers and Ergin Ataman as he was celebrating on his way to the dressing room 👀pic.twitter.com/3OZqG6Yzz4
— BasketNews (@BasketNews_com) June 9, 2023
Сепак, мечот го одбележа скандалот што го приреди Ергин Атаман кој славејќи ја победата, влезе во вербален, за малку и физички дуел со лица од раководството на противничкиот клуб. Некој од Фенербахче нешто му дофрли, па Атаман тргна да се тепа, а откако беше спречен од обезбедувањето, продолжи да се заканува, мавтајќи со прстот. Ситуацијата зовре, претставниците на Фенербахче збеснаа, тргнаа кон Атаман, но не можеа да стигнат до него.
💥💥Fenerbahçeli yöneticiler, maç sonu Ergin Ataman’ın üzerine yürüdü pic.twitter.com/Myh5kvRWpY
— Galatasaray Gazetesi (@GsGazete) June 9, 2023
Анадолу Ефес сега го чека својот противник во финалето, а тоа ќе биде подобриот од серијата меѓу Турк Телеком и Каршијака. Екипата од Измир води со 2-1 и четвртиот натпревар го игра на домашен терен.