Актуелниот шпански шампион Барселона летово остана без тренерот Шарунас Јасикевичиус и двете ѕвезди во тимот Никола Миротиќ и Кори Хигинс, но сепак ќе има тим што ќе се бори за трофеите во сите натпреварувања.
По неколку големи засилувања ангажирани досега, каталонскиот клуб денеска го потврди она што се шпекулираше претходните денови и го донесе поранешниот втор пик на НБА драфтот Џабари Паркер. Тој треба да биде замена за Миротиќ кој се пресели во Олимпија Милано, но прашање е колку ќе успее да го замени Црногорецот со шпански пасош имајќи предвид дека беше без клуб од јануари 2022 година кога Бостон Селтикс го раскина договорот со него.
Des de Chicago, Illinois…
Número 2 del draft l’any 2014…El FC Barcelona fitxa Jabari Parker! 🔥 pic.twitter.com/wBZnVhWeXK
— Barça Basket (@FCBbasket) August 7, 2023
Без разлика на се, јасно е дека со своето искуство, Паркер треба да биде големо засилување, заедно со Вили Хернангомес, Дарио Брисуела и Жоел Пара кои беа донесени летово.