Одлуката на Црвена Звезда претстојната сезона да биде домаќин во белградската Арена ја искоментира и капитенот на Партизан, Кевин Пантер.
„Црно-белите“ претходната натпреварувачка кампања ги пречекуваа своите противници во овој објект и поставија низа рекорди, како во АБА, така и во Евролигата. Небојша Човиќ уште пред неколку месеци најави презелба на Звезда, но тоа официјално беше потврдено на вчерашната седница на Собранието на клубот. Оваа информација не го воодушеви Пантер кој преку Твитер бурно реагираше.
Lol.. it’s still our shit but I get it. We set trends. https://t.co/kAA5C95Xn9
— Kevin Punter Jr (@KPJunior_) July 19, 2023
„И натаму, тоа е наше ср*ње, но разбира. Ние поставуваме трендови“, напиша Пантер на информацијата дека Звезда ќе игра во Арена.
Lol people so sensitive 😂it’s the summer time relax it’s ok talk a little trash and enjoy 😎
— Kevin Punter Jr (@KPJunior_) July 19, 2023
На неговиот коментар имаше многу реакции, претежно од навивачите на Црвена Звезда кои му беа лути затоа што и Пантер во еден период од кариерата го носеше „црвено-белиот“ дрес и играл за овој клуб во Арената. Сепак и на тоа имаше подготвен одговор – лето е, уживајте, не се на одмет малку провокации.
Факт е дека Звезда и во минатото играше во белградска Арена и навивачите таму правеа пеколна атмосфера, така што она што ќе се случува претстојната сезона нема да биде нешто ново ни за клубот, ни за европската кошарка.