„Играш со Работнички, не знаеш каде ти е задникот, каде главата…“

0Shares
0 0

Селекторот на Србија, Светислав Пешиќ даде интересна компарација во најавата на натпреварот на неговата репрезентација против Белгија што се игра в недела, во рамките на квалификациите за Светското првенство во 2023 година.

Во нормални услови, Србите би биле апсолутни фаворити за победата, но со оглед на тоа што во Белгија ќе патуваат со „трет“ тим, нема да биде никакво чудо ако загубат. Пешиќ потсети на еден битен сегмент на вакви дуели – салата каде се игра натпреварот.

“Ќе биде тешко. Мала, распродадена сала. Така и ние во Сарајево биравме мали сали, исто како и Работнички – влегуваш и не знаеш каде ти е задникот, каде главата“, во свој стил изјави Пешиќ.

Салата во Градски парк често беше неосвоива тврдина за големите екипи од југословенската кошарка. Проблемот е што и 30 години по распадот на СФРЈ, а над 50 откако е направена, таа го задржа првобитниот изглед и е оставена на забот на времето.

0Shares
0 0