МЗТ Скопје оди чекор понапред – ќе формира 3х3 екипа

0Shares
0 0

Амбициозното раководство на МЗТ Скопје има високи цели како за сезоната што претстои, така и за во иднина и планира да биде активно на повеќе полиња.

Првиот тим е речиси финализиран, наскоро ќе биде одлучено како и во кој состав ќе функционира МЗТ Скопје УБ кој испадна во Втората лига, а целта ќе биде и женската екипа да се бори за шампионската титула. Она што е новитет е што МЗТ Скопје планира да формира екипа во 3х3.

„Нашиот клуб ќе стане прв во Македонија со тим во оваа категорија и кој ќе учествува во натпреварувањата на Кошаркарската федерација. Веќе работиме на тоа и наскоро ќе се знаат детали“, изјави за КОШ.МК, извршниот директор на МЗТ Скопје, Филип Ѓоревски.

Тоа ќе биде уште еден амбициозен проект на клубот кој последната деценија доминира во македонската кошарка и освои девет од последните десет титули во домашното првенство. 3х3 дисциплината е се попопуларна во Македонија, но и во Европа и светот и нема сомнение дека тимот на МЗТ Скопје ќе има голема поддршка.

0Shares
0 0