Иако Светското првенство е при крај и одамна е апсолвираната темата за отсуството за Никола Јокиќ, некои фанови на српската репрезентација уште се осврнуваат на тоа прашање.
Меѓу нив и Небојша Медојевиќ, црногорски политичар кој жестоко го искритикува кошаркарот на Денвер Нагетс за тоа што одлучи да не патува на Далечниот исток летово. На Твитер, тој објави неколку коментари со напади кон Јокиќ, а во случајот го искористи Бориша Симаниќ кој има трајни последици од настапот на Мундијалот.
NEKO ZA SRBIJU DAJE JETRU ( ALKOHOL) A NEKO BUBREG ( POVREDA NA TERENU). MENI JE VECI HEROJ OVAJ BORIŠA💪💪💪 pic.twitter.com/dgmCi5vNpF
— Nebojsa Medojevic (@NebojsaMedojevi) September 6, 2023
„Некој за Србија го дава црниот дроб (алкохол), а некој бубрегот (повреда на теренот). Мене поголем херој ми е овој Бориша“, напиша Медојевиќ, алудирајќи на секојдневните забави на Јокиќ во алкохолизирана состојба.
Во продолжение, тој се осврна и на Бпгдан Богдановиќ за кого смета дека е вистински лидер на српската репрезентација, за разлика од Јокиќ иако центарот е двоен МВП во НБА и беше прогласен за МВП на финалната серија последната сезона.
Postao ie super zvijezda, zato sto ga je Dule gurao preko granica , jer ga je volio kao svoje dijete i vjerovao u njega. Bogdan je kod Generala postao vrhunski igrac, dobar i vaspitan covjek koji zna sta su vrijednosti kao sto je PATRIOTIZAM. Za razliko od Nikole Jokica kome su…
— Nebojsa Medojevic (@NebojsaMedojevi) September 6, 2023
„По своите двајца родители, Богдан Богдановиќ немал поголем пријател во животот од Генералот Душко Вујошевиќ. Стана суперѕвезда бидејќи Дуле го туркаше над сите граници, бидејќи го сакаше како свое дете и веруваше во него. Богдан кај Генералот стана врвен играч, добар и воспитан човек кој знае кои се вистинските вредности и што е патриотизам. Има ДНК на борец, победник и патриот, за разлика од Никола Јокиќ кому коњите му се поважни од државата“, додаде политичарот.
Со Јокиќ во составот, Србија освои само едно сребро, на Олимписките игри во Рио де Жанеиро, а на Мундијалот во 2019 и ланското Европско првенство доживеа дебакл. Сега, без него, српската репрезентација е во полуфинале и утре против Канада ќе се бори за место во мечот за титулата.