Легендарниот српски кошаркар Милош Теодосиќ од денеска официјално е нов член на Црвена Звезда со што е ставен крај на сите шпекулации во врска со неговата иднина.
Плејмејкерот е трето летно засилување за вицешампионот во АБА лигата откако клубот го врати Дејан Давидовац од ЦСКА и го потпиша Марко Симоновиќ од Чикаго Булс. Последните четири сезони, Теодосиќ ги помина во Виртус со кого беше шампион на Италија во 2021 година, а лани го освои трофејот во Еврокупот. Неговиот договор со клубот од Болоња истече и тој беше слободен во изборот каде ќе ја продолжи кариерата.
Proslavljeni srpski košarkaš i jedan od najtrofejnijih igrača u istoriji naše zemlje, Miloš Teodosić, novo je pojačanje KK Crvena zvezda Meridianbet!
Dobro došao, @MilosTeodosic4!
Detaljnije: https://t.co/PHcWnuP0YC#kkcz #WeAreTheTeam pic.twitter.com/DBVt8BJNZo
— KK Crvena zvezda Meridianbet (@kkcrvenazvezda) July 11, 2023
За Теодосиќ, ова е враќање во српската кошарка по пауза од 16 години во кои играше за Олимпијакос, ЦСКА, Лос Анџелес Клиперс и Виртус. Последен пат во татковината настапуваше како член на ФМП каде и ја почна својата професионална кариера.
Доаѓањето на Теодосиќ најверојатно ќе значи заминување на Факундо Кампацо за кого шпанските медиуми вчера објавија дека неделава ќе биде претставен како нов играч на Реал Мадрид.