Екипата на Партизан вечерва го пречекува Олимпијакос во 30. коло од Евролигата, а евентуална победа само ќе ги зголема ионака огромните шанси за пласман во разигрувањето за титулата во елитното натпреварување.
Компанијата специјализирана за анализи Basket Data Scouting објави пресметка за тоа кој клуб со колкави шанси е за пласман во плејофот. Досега четири екипи обезбедија место во топ-8, четири ги загубија сите шанси, а претстојните натпревари треба да го дадат комплетниот список на учесници во четвртфиналето. Фенербахче е премногу блиску до пласман во плејофот, истото важи и за Партизан чии шанси се проценуваат на речиси 91%, а блиску до него е и Макаби Тел Авив.
UPDATE! Thread? about the probability of each @EuroLeague team to reach a playoff spot w/o tiebreaks and to reach the 8th place wins. We can’t explor every combination (over 17 trillions!) so we made 1 ml simulations to estimate it. (1/3)#EuroLeague #EveryGameMatters #Devotion pic.twitter.com/58080ziuHw
— Basket Data Scouting (@data_basket) March 23, 2023
За осмото место би требало да се борат Басконија и Жалгирис со тоа што шпанскиот тим синоќа загуби од Црвена Звезда, а литванскиот гигант го очекува дуел со Фенербахче. Актуелниот европски првак Анадолу Ефес има само 29% (сега веројатно уште помали бидејќи анализата е правена пред почетокот на 30. коло), симболични шанси имаат и италијанските Виртус и Милано.
Она што е интересно е изгледите Црвена Звезда да се пласира меѓу осумте најдобри. Тимот што речиси една деценија доминира во АБА, сега има само 1,5% шанси да се најде во плејофот од Евролигата. Дури и со четири победи до крајот на основниот дел, белградскиот тим зависи од резултатите на другите екипи кои се многу поблиску до остварување на главната цел.