Од минатата година постојано се зборува за влез на Обединетите Арапски Емирати во европската кошарка, прво како инвеститор, а потоа и како држава со свој претставник во Евролигата.
Долго време немаше никакви информации како ќе биде тоа изведено, се до денеска кога излезе соопштение дека малку познатиот литвански клуб Вулфс се сели од Вилнус во Дубаи. Поточно, таму ги селат своите канцеларии, а од официјалното соопштение не може многу да се открие.
#Dubai will be the headquarters for the matches of the Lithuanian team “BC Wolves” in the European Basketball League. Dubai will also be the headquarters for the club, which is considered one of the elite clubs in Lithuania and Europe. @DubaiSC pic.twitter.com/iSR4ba2wQh
— Dubai Media Office (@DXBMediaOffice) September 11, 2023
„Дубаи ќе биде центар на операциите на литванскиот клуб Вулфс за натпреварите од Еврокупот, како и за клубот кој се смета за еден од најдобрите во Литванија и Европа“, пренесува Dubai Media Office, официјалната платформа за комуникации на Владата на овој арапски Емират за комуникации.
Уште не се знае дали своите натпревари од Еврокупот, Вулфс ќе ги играат во Дубаи кој е надвор од Европа или претстојната сезона ќе биде само подготовка за она што следува. Вулфс се во групата А од Еврокупот, со Бешикташ, Цедевита, Хапоел Тел Авив, Хувентут, Лондон Лајонс, Париз, Прометеј, Венеција, Улм и Хамбург. Клубот е основан лани, претседател е литванската легенда Римантас Каукенас, а таму игра поранешниот кошаркар на Реал, Џефри Тејлор.
Сезона во Еврокупот почнува на 3 октомври, а својот прв натпревар на домашен терен, Вулфс го играат три недели подоцна. Веројатно наскоро ќе се знае дали тоа ќе биде во Вилнус или во Дубаи.