Еден од најдобрите европски плејмејкери Василије Мициќ на 29-годишна возраст ќе дебитира во НБА лигата, соопшти денеска американскиот новинар Ејдријан Воџнаровски.
Според него, досегашниот кошаркар на Анадолу Ефес постигнал тригодишен договор со Оклахома Сити Тандер за вкупно 23,5 милиони долари и ќе ја зголеми српската колонија во НБА. Неодамна, тој стана клиент на менаџерската агенција Васерман по што можеше да се претпостави дека е подготвен за најсилната светска кошаркарска лига.
EuroLeague G Vasilije Micić – one of Europe’s best and most accomplished players – has agreed on a 3-year, $23.5M deal to join the Thunder, Jason Ranne of @Wassbasketball tells ESPN. A two-time EuroLeague champion and an MVP, Micic brings a significant skillset and IQ to OKC. pic.twitter.com/SBjxHHRftJ
— Adrian Wojnarowski (@wojespn) July 1, 2023
Мициќ заминува во НБА, не само како еден од најдобрите европски плејмејкери, туку и со две титули во Евролигата и две МВП признанија во елитното кошаркарско натпреварување. Оклахома, генерално има млад тим, па Србинот ќе биде еден од лидерите на своите исклучително талентирани соиграчи.
Во тимот на Тандер, тој ќе биде втор српски интернационалец бидејќи таму од 2020 година веќе е Алексеј Покушевски.