Лука Дончиќ прерано ја заврши сезоната во НБА лигата, па веќе еден месец не е во САД, туку одмора во татковината и околните држави.
Во текот на викендот престојувал во Хрватска каде имал можност целосно да се опушти, па снимен е во бар како ужива во српски турбофолк.
Му остануваат слободни уште повеќе од два месеца до почетокот на подготовките за Светското првенство, доволно време максимално да одмори и потоа да ја нападне планетарната титула со словенечката репрезентација.