Само неколку часа откако синоќа Жељко Обрадовиќ на прес-конференција изјави дека не знае каде точно се наоѓа Тристан Вукчевиќ, на социјалните мрежи излезе видео со младиот кошаркар.
Грчко-српско-шведскиот талент (има пасоши од овие три држави) е во Чикаго на тренинзи на кои се докажува пред претстојниот НБА драфт. Нејасно е како му е дозволено сред сезона да замине таму, но по се изгледа и Жељко Обрадовиќ не смета претерано на него.
Tristan Vukcevic getting hot at the NBA draft Combine showing his terrific shooting stroke. The 7-foot+ Serbian big man has a great platform to help himself in front of a huge audience of NBA executives in Chicago, many of whom have never seen him play live. pic.twitter.com/xOthBgAlJ1
— Jonathan Givony (@DraftExpress) May 16, 2023
Иако е член на Партизан повеќе од една година, не успеа да се избори за стандардна минутажа и повеќе добива шанса кога треба да одмори некој од клучните играчи. Најголем проблем му е одбраната поради што и Реал се откажа од него во јануари 2022 година.
Вукчевиќ веќе се пријави на годинашниот драфт, но се претпоставува дека ќе биде избран во втората рунда, токму поради лошата одбрана и дилемите дали би можел успешно да се вклопи во НБА. Таканеречниот Драфт комбајн трае од 15 до 21 мај, но уште не се знае дали потоа повторно би бил дел од тимот на Партизан, во случај „црно-белите“ да избегнат сензација и да се пласираат во полуфиналето од АБА лигата.