По инцидентот што го предизвика во вториот меч од четвртфиналната серија од Евролигата против Партизан, Гершон Јабуселе вечерва повторно беше во главна улога.
На дуелот против Хувентут, во рамките на полуфиналето од шпанското првенство, Французинот доби лакт во лицето од Анте Томиќ за што на Хрватот заслужено му беше досуден неспортски прекршок. Сепак, со оглед на тоа што натпреварот се играше во Бадалона, домашните навивачи веднаш му се пуштија на Јабуселе со скандирања и транспаренти.
La polémica.
Antideportiva de Tomic ante Yabusele. #PlayoffLigaEndesa pic.twitter.com/W3FMVC28gZ— Basket en Movistar Plus+ (@MovistarBasket) June 10, 2023
„Убиец, убиец“ му грмеа на кошаркарот на Реал, а со транспарент му порача да оди во ринг и таму да се бори.
Тоа, сепак, не му пречеше многу на Јабуселе кој натпреварот го заврши со 16 поени, а Реал победи со 83-73 и поведе со 2-1 во полуфиналната серија од АЦБ лигата.