Партизан загуби од Анадолу Ефес со 79-81 во полуфиналето од турнирот „Павлос Јанакопулос“ во Атина, но мечот имаше интересна и бурна завршница.
Во последниот напад на „црно-белите“, Смаилагиќ имаше жесток дуел под противничкиот кош, но судиите не се огласија бидејќи сметаа дека нема лична грешка. Со евентуален кош, Партизан имаше можност да го однесе натпреварот во продолжение, но победата на крајот му припадна на турскиот тим.
Zeljko Obradovic wasn't happy after a non-call against Smailagic 👀pic.twitter.com/yyYJD1UcEa
— BasketNews (@BasketNews_com) September 23, 2023
Ситуацијата не му се допадна на Жељко Обрадовиќ кој бараше лична грешка и прилично бурно реагираше кон судиите. Потоа сфати дека станува збор за пријателски дуел, па ја смири тензијата и мирно се поздрави со арбитрите и противничкиот табор.