Во првиот меч по неуспехот во финалето од Купот на Србија, навивачите на Партизан му приредија неверојатен пречек на тренерот на Партизан, Жељко Обрадовиќ.
Већи од свих! Од система, од циганске државе… Најјачи аплауз икада за НАЈВЕЋЕГ 👑
Подржи Партизан!#partizan #kkpartizan #zeljkoobradovic pic.twitter.com/qNQeSukzMP
— Partizan.net (@PartizanNet) February 29, 2024
Повеќе од две минути околу 20 илјади гледачи на трибините го скандираа името и презимето на деветкратниот освојувач на титулата европски шампион, толку силно и гласно што дури и на Обрадовиќ му дојде незгодно, па побара од нив да им дадат поддршка на кошаркарите.
Жељко Обрадовић један је од нас!#partizan #zeljkoobradovic #kkpartizan #bcpartizan #euroleague #everygamematters #grobari pic.twitter.com/Q6ycCdzsWR
— Partizan.net (@PartizanNet) February 29, 2024
Претходниот период во Србија се отвори прашање за тоа дали Обрадовиќ ќе остане и идната сезона на клупата на Партизан, а сето тоа откако трофејниот стручњак по поразот во финалето од Купот изјави дека треба да се запраша дали можеби не е време за заминување. Освен тоа, претставници на Црвена Звезда и на политичкиот врв во Србија отворено го нападнаа поради неговите ставови по спомнатото финале.
Под негово водство, во овие три сезони Партизан освои само една титула и тоа во АБА лигата, но Обрадовиќ успеа да го врати култот на клубот и да го крене имиџот кој беше нарушен пред неговото враќање.


