Мозес Рајт одигра извонреден натпревар во Евролигата. Центарот на Олимпија Милано беше во центарот на вниманието, предводејќи го италијанскиот тим до значајна победа над Фенербахче од 78-70.
Македонскиот репрезентативец беше речиси незапирлив во рекетот. За помалку од 29 минути игра постигна 22 поени и фати 11 топки, со што оствари моќен дабл-дабл ефект. Неговата реализација беше на високо ниво – 7/10 од поле и 8/9 од линијата за слободни фрлања, а придодаде и две асистенции.
Рајт беше еден од клучните фактори во триумфот на Милано, кој успеа да го надигра поранешниот европски шампион. Со физичката моќ, агресивноста и сигурноста во завршницата, високиот центар претставуваше сериозен проблем за одбраната на турскиот гигант.
Ваквото издание е уште една потврда за квалитетите со кои Рајт ќе располага и во дресот на македонската репрезентација. Неговото присуство во националниот тим отвора дополнителни можности под кошевите, особено во дуелите против поквалитетните противници.
Следниот предизвик за Македонија е натпреварот против Кипар на 26 ноември, а селекторот Берокал сигурно ќе има причина за задоволство од формата во која се наоѓа еден од најважните адути во рекетот.
РЕЗУЛТАТИ
Макаби – Дубаи 74-80
Жалгирис – Панатинаикос 72-87
Баерн – Басконија 100-81
Олимпија Милано – Фенербахче 78-70
Париз – Хапоел 97-96
Валенсија – Виртус


