Од денеска до 7 јули во Пиреја, Рига, Валенсија и Сан Хуан ќе се играат олимписките квалификации од кои треба да излезат последните четири репрезентации учеснички на Игрите во Париз.
На секој од турнирите учествуваат по шест репрезентации, а пласман на Олимписките игри обезбедува само победникот од секој турнир. Селекциите се поделени во две групи, место во полуфиналето има за најдобрите од секоја група.
Тешко е да се каже каде ќе биде најнеизвесно имајќи предвид дека се работи за репрезентации со израмнет квалитет. Исклучително интересно се очекува да биде во Пиреја каде Грција со Јанис Адетокунбо ќе се бори против Словенија со Лука Дончиќ и Хрватска која во овие квалификации ќе биде во драстично засилен состав во однос на квалификациите за европските и светските првенства. Грција ќе се бори за својот прв настап на Олимписките игри по пауза од 16 години.
ТУРНИР РИГА:
ГРУПА А: Грузија, Филипини, Летонија
ГРУПА Б: Бразил, Камерун, Црна Гора
ТУРНИР ПИРЕЈА:
ГРУПА А: Словенија, Нов Зеланд, Хрватска
ГРУПА Б: Египет, Грција, Доминиканска Република
ТУРНИР САН ХУАН:
ГРУПА А: Мексико, Брегот на Слоновата Коска, Литванија
ГРУПА Б: Италија, Порторико, Бахреин
ТУРНИР ВАЛЕНСИЈА:
ГРУПА А: Либан, Ангола, Шпанија
ГРУПА Б: Финска, Полска, Бахами


