Довчерашниот играч на Партизан, Алекса Аврамовиќ повторно блескаше во дресот на српската репрезентација и имаше голем придонес во освојувањето на бронзениот медал.
Фантастичната игра во клучните натпревари би можела да му донесе нов трансфер и покрај тоа што неодамна беше промовиран во нов член на ЦСКА Москва. Неговиот менаџер Мишко Ражнатовиќ често знае меѓу редови да открие некои работи, па можеби и сега во неговиот твит може да се најде скриена порака.
Great tournament for Serbian guard, Aleksa Avramovic, who has been chosen the best defensive player of Olympic tournament!
— Misko4Raznatovic (@MiskoRaznatovic) August 11, 2024
9 more days (until the 20th of August) for him to use Nba escape clause!#BeoBasket pic.twitter.com/EcpJ4aYHi6
„Одличен турнир за Алекса Аврамовиќ кој е прогласен за најдобар дефанзивец на Олимписките игри. Уште девет дена (до 20 август) ќе може да ја искористи излезната клаузула за НБА“, напиша Ражнатовиќ.
До моментов нема конкретни информации дали некој НБА тим е заинтересиран за Аврамовиќ, но веројатно ќе се дознае до 20 август.


