Јанис Адетокунбо и неговиот Милвоки Бакс релативно лесно го совладаа Торонто Репторс, но натпреварот го одбележа една интересна ситуација.
Бакс славеа со 128:104 и со тоа на канадаркиот тим му го нанесоа 13. пораз во последните 14 натпревари. Мечот го одбележа ситуацијата од втората четвртина кога Јанис Адетокунбо се обиде да го блокира противникот во контранапад, но малиот прст му се заглави во потколеницата, поради што Гркот итно го напушти теренот и тргна да го сошие.
Giannis is having a tough time tonight in Toronto.
Turns the ball over and avoided serious injury on a block attempt. His pinkie finger had to get wrapped up.
Hopefully nothing serious. 🙏 pic.twitter.com/yIBdpNTFga
— Omer Osman (@OmerOsman200) January 7, 2025
Заработи три конци, но тоа не го спречи да се врати на паркетот и да оствари трипл дабл ефект со 11 поени, 12 скока и 13 асистенции во само три четвртини. Во последниот период немаше потреба од негов ангажман на теренот бидејќи Милвоки Бакс дотогаш веќе го решија прашањето за победникот.
Во победничкиот тим се истакна Дејмијан Лилард со 25 поени, а го следеше Боби Портис со 20. На другата страна, Ар Џеј Барет со 25 поени го предводеше својот тим. Тимот на Рајаковиќ сега е со биланс од осум победи и 28 порази, додека Бакс имаат скор 18-16 по лошиот почеток на сезоната.
РЕЗУЛТАТИ
Детроит – Портланд 118-115
Филаделфија – Феникс 99-109
Бруклин – Индијана 99-113
Њујорк – Орландо 94-103
Торонто – Милвоки 104-128
Чикаго – Сан Антонио 114-110
Мемфис – Далас 119-104
Минесота – Лос Анџелес Клиперс 108-106


