Денвер Нагетс го доживеа четвртиот пораз во низа откако ноќеска на домашен терен загуби од Индијана со 120-125.
Одлучи подоброто второ полувреме на гостинскиот тим кој тие 24 минути ги доби со 64-54 откако претходно Денвер имаше предност и од 13 разлика. Се се решаваше во последните 20-тина секунди во кои Индијана влезе со предност од 122-120.
With 20 seconds left in regulation, down 2, Nikola Jokic passes to Russell Westbrook, but it is too further away for him.
— MrBuckBuck (@MrBuckBuckNBA) April 7, 2025
What a horrible possession for the Nuggets at home. pic.twitter.com/E8proGnCTq
Нагетс имаа шанса да израмнат или да дојдат до предност на овој меч во самиот финиш, но од апсолутен, Никола Јокиќ се претвори во трагичар. Во клучниот напад, тој ја организираше акцијата на својот тим, не успеа да му ја врачи топката на Браун, па се одлучи да ја смени страната и да го проигра Вестбрук. Сепак, не процени добро, додаде пресилно и топката заврши на половината на Денвер. И во следниот напад, на +4 за Пејсерс, Јокиќ промаши шут за тројка и гостите заминаа со голема победа.
NBA STANDINGS UPDATE ‼️
— NBA (@NBA) April 7, 2025
▪️ HOU, LAL win, stay 2nd & 3rd in West
▪️ LAC moves into West 5th
▪️ NYK wins 50th game
▪️ IND wins 4 straight
Download the NBA App for more: https://t.co/WAQ7n00ju1 pic.twitter.com/paFr2t78RK
Со тоа Србинот го поништи одличниот ефект имајќи предвид дека постигна 41 поен, 15 скока и 13 асистенции за својот 32. трипл дабл во сезоната. Денвер и по овој пораз остана на четвртата позиција на Западот, но има натпревар повеќе од Минесота, Мемфис, Клиперс и Голден Стејт, па може да падне дури на осмата позиција. Индијана, кај која Тарнер беше најефикасен со 24 поени, остана бетонирана на четвртото место на Истокот на кое највероијатно ќе го заврши основниот дел од сезоната.
РЕЗУЛТАТИ
Голден Стејт – Хјустон 96-106
Њу Орлеанс – Милвоки 107-111
Денвер – Индијана 120-125
Њујорк – Феникс 112-98
Атланта – Јута 147-134
Бостон – Вашингтон 124-90
Кливленд – Сакраменто 113-120
Портланд – Сан Антонио 120-109
Бруклин – Торонто 109-120
Оклахома – ЛА Лејкерс 99-126
Шарлот – Чикаго 117-131


