НБА денеска го објави раниот список на кошаркари кои се пријавија за претстојниот драфт, а на него има вкупно 106 имиња.
Меѓу нив не е македонскиот репрезентативец Андреј Јакимовски кој по завршувањето на сезоната во НЦАА најави дека ќе си ја проба среќата. Последната натпреварувачка кампања тој ја помина на Универзитетот Колорадо, а во меѓувреме доби неколку понуди за продолжување на кариерата во Европа од кои најсериозна е онаа од Олимпија Милано.
The National Basketball Association (NBA) announced today that 106 players have filed as early entry candidates for NBA Draft 2025 presented by State Farm, which will be held Wednesday, June 25 (First Round) and Thursday June 26 (Second Round) at Barclays Center in Brooklyn, New… pic.twitter.com/e4mr12UrBa
— NBA Communications (@NBAPR) April 29, 2025
Сепак, ова не значи дека Јакимовски нема да учествува на драфтот. На раниот список на кошаркари фигурираат играчи кои подоцна можат да се откажат, ако сметаат дека немаат шанси да бидат избрани и тоа можат да го направат најдоцна до 15 јуни. Нашиот кошаркар има 24 години и според правилата на лигата може да потпише договор со екипа и ако не е избран на драфтот.
Оваа година, НБА драфтот ќе се одржи на 25 и 26 јуни, а ќе се бираат 59, место 60 пика бидејќи Њујорк Никс е казнет и одземен му е еден избор.


