Откако синоќа во јавноста излезе снимка од тепачка во која учествуваат кошаркари на Партизан, белградската полиција почна истрага против нив.
Станува за инцидент што се случил во вчера, околу 4 часот наутро, пред ноќен клуб во Белград, а во него учествувале Карлик Џонс, Исак Бонга, Стерлинг Браун и Френк Нтиликина. Највоинствен е Џонс кој со шише во главата удрил непознато лице, две лица имаат тешки телесни повреди, а едно е со полесни.
BREAKING NEWS: Carlik Jones, Sterling Brown and Bonga were involved in a fight that caused injuries.
— Basketballmaniacs_ (@bballmaniacs_) May 5, 2025
Carlick Jones broke a bottle on some guy's head in front of Belgrade night club#basketballmaniacs #basketball #partizan #serbia #paobc #olympiacosbc #euroleague pic.twitter.com/bGaafoWgUo
Кошаркарите на Партизан утринава го одработија тимскиот тренинг во белградската Арена, а попладне се очекува да одат во полициска станица и да дадат изјава во врска со моменталната ситуација. Не е исклучено да добијат прекршочна пријава за нарушување на редот и мирот, а наскоро се очекува да бидат познати и причините поради кои дошло до тепачката.


