По неколкугодишните експерименти и рекордно нискиот рејтинг на Ол стар натпреварите, НБА конечно го слушна гласот на љубителите на кошарката.
Комесарот Адам Силвер потврди дека од 2026 година, на Ол стар натпреварот ќе се игра меч меѓу САД и остатокот на светот. Тоа значи дека на една страна ќе бидат странските суперѕвезди како Лука Дончиќ, Никола Јокиќ, Јанис Адетокунбо и Шеј Гилџес Александер, а на другата потенцијалната американска репрезентација.
NBA Commissioner Adam Silver confirms there will be USA vs. the World in the 2026 All-Star Game 👀
— Breakfast Ball (@BrkfstBallOnFS1) June 4, 2025
"I'm not exactly sure what the format will be yet. I paid a lot of attention to what the NHL did, which was a huge success."@craigcartonlive | @DannyParkins | @markschlereth pic.twitter.com/WsEzhe4Jkk
„Уште не знам каков ќе биде форматот, но обрнав внимание на НХЛ Ол старот и видов дека е огромен успех. Ако се вратиме назад, на Олимписките игри во Париз, дуелите меѓу САД и Србија и САД и Франција беа исклучително интересни“, рече, меѓу другото, Силвер.
Последната деценија НБА неколку пати го смени форматот на НБА Ол старот, но ништо не помогна да се врати атрактивноста. Од дуел меѓу Исток и Запад, беше сменето на избор на играчи од капитени на двете екипи, па вратено на Исток-Запад, но и тоа доживеа жестоки критики оваа година затоа што мечот повеќе наликуваше на тренинг.


