Откако минатата сезона ја помина во македонскиот второлигаш Ангели и имаше голем придонес за пласманот во Првата лига, Михаил Наумоски си обезбеди трансфер во турското првенство.
Од денеска тој е нов член на Каршијака од Измир со што тргнува по стапките на неговиот татко Петар Наумоски кој е исклучително почитуван во Турција поради деновите поминати во Ефес Пилсен и Улкер. Михаил е „дете“ на Ангели иако во своите младински денови играше и за Црвена Звезда, МЗТ Скопје и Академија ФМП. Минатата сезона ја почна во Вардар, а ја доврши во тимот од Драчево кој избори пласман во елитната конкуренција во македонската кошарка.
Mihail Naumoski Karşıyaka’mızda! 💚❤️⁰⁰Daha önce Akademija FMP Skopje, MZT Skopje’de ve Kızılyıldız’ın U17 ile U19 takımlarında forma giyen. Geçtiğimiz sezonu ise KK Vardar Skopje’de tamamlayan Mihail Naumoski, 2025-2026 sezonunda Karşıyaka forması giyecek. pic.twitter.com/CsFo9FpTkS
— Karşıyaka Basketbol (@KSKBasket) August 25, 2025
Каршијака ѝ е позната на македонските љубители на кошарката бидејќи една сезона, пред крајот на минатиот век, во неа помина легендарниот македонски плејмејкер Врбица Стефанов. Наумоски ќе има можност за време на подготовките да се претстави и во Македонија бидејќи Каршијака во септември ќе учествува на турнир во Гевгелија, заедно со Кожув, Работнички и Бора од Косово.
Karşıyaka’mız 2025-26 sezonu hazırlıklarını bugün yaptığı antrenman ile sürdürdü.
— Karşıyaka Basketbol (@KSKBasket) August 25, 2025
Eski Basketbolcu Petar Naumoski, Kulüp Başkanımız Aygün Cicibaş ve Genel Menajerimiz Nihat Mala ile antrenmanımızı takip etti. pic.twitter.com/8ESH81emP7
На денешниот прв тренинг на Михаил во Каршијака присуствуваше лично Петар Наумоски, на воодушевување на стручниот штаб и челниците на клубот од Измир.


