Денеска почна новата сезона во турското првенство, а македонскиот стручњак Емил Рајковиќ веќе го зеде првиот голем скалп.
Всушност, не може поголем бидејќи го победи актуелниот турски и европски шампион Фенербахче, предводен од еден од најдобрите тренери на континентот Шарунас Јасикевичиус. Кошот за победа на Тофаш беше постигнат со истекот на времето, а го реализира Максвел Луис кому тоа му беше прв на мечот. Интересно е тоа што Тофаш славеше и покрај очајниот шут за тројка 1/14.
TOFAŞ, ligin ilk haftasında konuk ettiği Fenerbahçe Beko'yu, Maxwell Lewis'in son saniye basketiyle 80-78 mağlup etti. Bursa ekibi, kazandığı bu maçı 1/14 üçlük isabetiyle noktaladı. pic.twitter.com/eBNpF7lhW3
— Ferhat Yeşiltaş (@NeoRock06) September 27, 2025
Рајковиќ има огромна заслуга за триумфот бидејќи откако дозна дека го има последниот напад (претходно имаше спорна ситуација, па судиите прегледуваа), зеде тајмаут и ја нацрта акцијата по која Луис постигна кош. Немаше многу време и мораше да се оди или на брз шут или на „цепелин“. Рајковиќ ја одбра втората варијанта и тоа се покажа како добитна комбинација.


