Најавата дека НБА лигата ќе отвори филијала во Европа во 2027 година одекна силно низ Стариот континент и ги вклучи алармите во Евролигата.
Организацијата почна забрзан процес на потпишување нови договори со 13 акционери, со цел да се обезбеди продолжување на нивните обврски кои истекуваат во летото 2026 година. Европската елита минатиот јуни објави дека новата соработка е завршена работа, но шпанскиот „Мундо Депортиво“ дојде до други информации. Реал Мадрид, Барселона и Фенербахче сè уште не ги ставиле своите потписи на хартија по состанокот со другите тимови на сопственици што се одржа претходните два дена и покрај тоа што ги повикаа да го сторат тоа за да можат другите да се посветат на мирни подготовки за сезоната 2026/2027. Исто така, некои клубови што ги потпишаа договорите побараа вклучување на клаузула за излез.
Ако не ги прифатат условите на Евролигата, ова трио би останало без европски натпреварувања една година, но постои опција елитната лига да им дозволи учество во сезоната 2026/2027, без оглед на неизвесната иднина потоа, во обид да ги задржи брендовите во своето друштво.
Последниот термин за обновување на договорите е 30 јуни следната година, а се претпоставува дека сагата ќе трае до последниот ден.


