Откако вчера Цибона неочекувано го откажа својот настап во АБА 2 лигата, денеска организацијата назначи замена за хрватскиот претставник.
Местото ќе го пополни српскиот клуб Раднички Крагујевац кој експресно влегува во натпреварувањето. Прв противник ќе му биде ТФТ кого в среда ќе го пречека на домашен терен, во рамките на првото коло од регионалната лига.
Раднички од 2010 до 2014 година беше редовен учесник во елитната дивизија во АБА, а најголемиот успех го оствари во 2013 година кога стигна до полуфиналето и таму доживеа минимален пораз од Црвена Звезда.


