Екипите на Андора и Жирона одиграа една од најлудите натпревари во АЦБ лигата последните сезони.
Победи Андора со 115-113, но дури по две продолженија и по една тројка каква ретко се гледа на кошаркарските терени. Андора беше на работ на бездната, бидејќи гостите имаа +5 (91:86) на 20 секунди пред крајот на натпреварот и напад, но Отис Ливингстон ја загуби топката на пренос, па Стен Окоје погоди тројка и ја врати неизвесноста во мечот.
¡BIENVENIDOS A LA LOCURA!
— Liga Endesa (@ACBCOM) October 18, 2025
ESTE TRIPLE LES ACERCA MUUUUUUUCHO EN EL MARCADOR.
PFFFFFFFF, LO-CU-RA DE FINAL #LigaEndesa | 📺 @DAZN_ES | @morabancandorra pic.twitter.com/LpdJi661ZM
Потоа играчите на Жирона повторно ја загубија топката, но Кајл Кјурик промаши шут за тројка, а Ливингстон ја прибра одбиената топка, по што беше фаулиран и погоди само едно слободно фрлање, оставајќи една секунда за нападот на Андора. Рафа Луз ја доби топката под својот кош, а потоа погоди тројка безмалку преку цел терен за израмнување и продолжение.
Esto es para verlo 50mil veces en bucle 🔁
— Liga Endesa (@ACBCOM) October 18, 2025
Madre mía, qué locura Rafa Luz.
¡Es que la mete literalmente desde la otra punta! 🤯#LigaEndesa | 📺 @DAZN_ES | @morabancandorra https://t.co/wjJl1CMTwn pic.twitter.com/Ht040Xu2zl
Тоа не беше крајот на лудилото на овој натпревар, бидејќи дури и по првото продолжение прашањето за победникот не беше решено. Одлуката падна по второто, домашните кошаркари дојдоа до победа, прва во сезоната, додека Жирона го забележа третиот пораз.
Ив Понс беше најдобар стрелец на Андора со 20 поени, додека Арон Бест додаде 19. Дерек Нидам беше најдобар стрелец на поразениот тим со 19 поени.


