Олимпијакос вечерва го растури Жалгирис на домашен терен со 95-78, но победата на грчкиот шампион остана во сенка на новата повреда што ја доживеа Кинан Еванс.
Американецот денеска првпат заигра на евролигашки натпревар по пауза од 580 дена, но неговото враќање траеше само две минути и една секунда. Без контакт, додека се враќаше во одбрана, Еванс падна на паркетот, а потоа теренот го напушти со помош на лицата од медицинскиот тим.
KEENAN EVANS YİNE SAKATLANDI 😞
— Euroleague Time (@euroleague_time) November 12, 2025
Yaklaşık 17 ay sonra, sakatlığını atlatıp EuroLeague'de ilk maçına çıkan Keenan Evans, oyuna girdikten sadece 2 dakika sonra tekrar sakatlandı ve oyuna devam edemedi 💔
pic.twitter.com/0PyXAqQD8r
Неговите соиграчи и навивачите во „Мир и пријателство“, дури и фановите на Жалгирис чиј член беше Еванс во минатото, се држеа за глава и повторуваа дека не е можно ова што се случува. Цела Евролига вечерва е во шок и голем број кошаркари и тренери веќе му испратија пораки со поддршка на американскиот интернационалец.


