Еден од најпознатите кошаркарски менаџери во светот Мишко Ражнатовиќ на ироничен начин ја искоментира изјавата на Жељко Обрадовиќ кој пред два дена, по поразот од Асвел рече дека неговите кошаркари се ненормални и дека постојано се на своите телефони.
Трофејниот стручњак беше разочаран од своите играчи и остро ги искритикува, но изненади објавата на Ражнатовиќ на Твитер.
Dugo sam u ovom poslu i bas primecujem da su se igraci prilicno promenili. Tako su neke 2005 bili egoisti i ostajali do 5 ujutru, a sada, 2025 se iskljucivo fokusiraju na mobilne telefone!
Uvek neki problemi sa njima😂😂😂— Misko4Raznatovic (@MiskoRaznatovic) November 15, 2025
„Долго сум во оваа работа и баш забележувам дека играчите прилично се промениле. Таму, во 2005 година беа егоисти и остануваа до 5 часот наутро, а сега, во 2025, исклучиво се фокусираат на мобилните телефони. Секогаш некои проблеми со нив“, напиша Ражнатовиќ кој, меѓу другите, му е менаџер на Никола Јокиќ и му беше на Перо Антиќ.
Неговата алузија се однесува на фамозната прес-конференција по елиминацијата на српската репрезентација од Европското првенство во 2005 година кое се одржа во СЦГ. Тогаш во улога на селектор, Обрадовиќ жестоко ги нападна кошаркарите дека не се однесуваат професионалци и целата вина за дебаклот ја префрли врз нив.


