Екипата на Денвер имаше сè, но на крајот не доби ништо. Дури и водството од 18 поени не беше доволно за Нагетс да го победат Сан Антонио и да се пласираат во четвртфиналето на НБА Купот, за првпат во историјата на франшизата.
Спарс на крајот славеа со 139-136 на крилјата на неверојатниот Васел и останаа во игра за трофејот. Никола Јокиќ одигра уште еден квалитетен натпревар, постигна 21 поен со 9 скока и 10 асистенции, но она што е забележливо е дека Србинот, исто како и во претходниот дуел против Мемфис, упати многу помалку шутеви отколку во претходниот дел од сезоната. Шутираше само 10 пати, а беше прецизен во 7 обиди.
Ништо не навестуваше пораз на Денвер во првото полувреме. Со одлична серија на крајот од овој дел од играта, Денвер поведе со 15 поени (74-59), а тројката на Мареј на почетокот од вториот дел ги однесе на 77-59. Ослабените гости, без својот најдобар играч Вембанјама, постепено ја намалуваа разликата и се приближија до негатива од еден поен во пресрет на последните 12 минути. Во последната четвртина поведоа, а се беше јасно откако отидоа на 135-128.
Брилијантниот Васел постигна 35 поени, шутирајќи 7 од 9 од три, Шампањ додаде 25, а Фокс 15 поени. Мареј беше најефикасен играч во Денвер со 37 поени, со што стана петтиот играч во историјата на франшизата кој ја минал границата 10.000 поени.


