Кошаркарското „вечно дерби“ во рамките на 15. коло од Евролигата ќе се игра вечерва во белградската арена, а по повеќе од четири години Партизан ќе игра против Црвена Звезда без Жељко Обрадовиќ на клупата. Црно-белите повторно ќе бидат предводени од Мирко Оцокољиќ, поранешниот помошник и човекот што ја презеде функцијата по заминувањето на Жоќ.
Но, она што го одбележа денот пред дербито доаѓа надвор од теренот. Пред дуелот со Црвена Звезда, на YouTube се појави песна посветена на Жељко Обрадовиќ, наречена „Не заборави никад“, изведена од панк-групата „Блицај“. Станува збор за емотивна песна што ја испреплетува историјата на Партизан и благодарноста кон најтрофејниот европски тренер, а видеото е снимено со масовна поддршка од навивачите.
Видеото прикажува сцени од минатонеделниот натпревар против Баерн, кога навивачите влегоа во Арена со фотографии, транспаренти и пораки посветени на Обрадовиќ. Стотици фанови одговорија на поканата на бендот да учествуваат во снимањето, кое беше организирано речиси „преку ноќ“.
Емотивниот трибјут доаѓа токму кога Партизан се впушта во првиот голем предизвик од новата ера – без човекот кој во претходните сезони го издигна клубот на европско ниво и остави неизбришлива трага.


