Тренерот на Панатинаикос, Ергин Атаман имаше уште еден фестивал за време на синоќешниот натпревар против Фенербахче во Истанбул.
Иако во градот каде работеше во голем дел од својата тренерска кариера, турскиот стручњак беше лошо пречекан од навивачите на домашниот тим кои го провоцираа, па и навредуваа во текот на целиот натпревар. Панатинаикос победи со 81-77, но Атаман нервозен ја напушти арената и во својата изјава по мечот, се пожали на третманот од публиката.
„Ова е срамота, јас сум селектор на Турција, а 10 илјади прости луѓе цел натпревар ја пцујат мајка ми“, рече Атаман.
Истата порака им ја испрати и на своите кошаркари на мини-состанокот по мечот против Фенер.
Coach Ergin Ataman spoke straight from the heart after our important away win! ☘️
— Panathinaikos BC (@Paobcgr) December 16, 2025
Smart basketball, mental toughness, and a response when the pressure was at its peak.
When the noise got loud, the answer came where it matters most: on the court!
Watch his full post-game speech… pic.twitter.com/RuOFiQnU2L
„Вие не разбирате, турските кошаркари во тимот разбираат, кога водеа 10 разлика, цела сала почна да ја пцуе мајка ми. Дадовте фантастичен одговор и јас сум ви вечно благодарен за тоа“, им рече Атаман на кошаркарите.
Во својата кариера, тој беше тренер на четири клуба од Истанбул: Ефес Пилсен, Улкер, Бешикташ и Галатасарај, но никогаш на Фенербахче со чии навивачи цел живот е во војна.


