Тајрик Џонс е цел на жестоки критики и свирежи на навивачите на Партизан откако Жељко Обрадовиќ го напушти клубот.
Навивачите на „црно-белите“ го сметаат за еден од најодговорните за заминувањето на најуспешниот европски тренер. Тие го исвиркуваа центарот на својот тим и за време на натпреварот со Макаби, а по убедливиот пораз, имаше инцидент меѓу него и најжестоките фанови на Партизан.
Камерите го снимија Џонс како жестоко се расправа со еден навивач, па поранешниот плејмејкер и МВП на Евролигата, Тајрис Рајс излезе со порака на социјалните мрежи.
They have to get him out of there man. Forget the games, how is he going to move around the city with that much tension? All it takes is for him to be at a restaurant and a fan takes it too far. https://t.co/4tMyaYVXjz
— Tyrese Rice (@ReseRice4) December 26, 2025
„Треба да го извлечат Тајрик оттаму. Заборавете на натпреварите, како воопшто ќе се движи низ градот со толку многу тензија? Доволно е само да го видат во некој ресторан и еден навивач да претера“, напиша поранешниот шампион на Евролигата.
Договорот на Тајрик Џонс со црно-белите истекува на крајот од сезоната, а во сегашната ситуација е тешко да се замисли продолжување на соработката, но и тешко дека друг клуб ќе посака да го донесе во своите редови.


