Два дена по Никола Јокиќ, повреда доживеа и вториот центар на Денвер Нагетс, Јонас Валанчиунас, на гостувањето кај Торонто кој тимот од Колорадо го доби со 106-103.
Тој помина само 23 минути на теренот, а се повреди при скок, по што се фати за листот, очигледно во голема болка. Поради тоа мораше да ја напушти играта, ама Денвер и без него успеа да дојде до триумф, многу важен во првиот меч по повредата на Јокиќ.
Jonas Valančiūnas eventually headed to locker room due to a calf injury.
— MrBuckBuck (@MrBuckBuckNBA) January 1, 2026
Including the play prior.
Now Jokic's replacement is also out for the Nuggets pic.twitter.com/5F6JAqLT4t
„Не знам колку е сериозно. Се навикнуваме на тоа. Се чини дека секоја вечер некој има проблем. Добрата работа е што секогаш некој друг се појавува и добива шанса. Така треба да се гледа на тоа. Се надевам дека Јонас ќе се опорави правилно. Се надевам дека не е сериозно, како што реков 19 пати овој месец“, рече Аделман.
Од редовните стартери на Денвер, на вчерашниот меч против Торонто играше само Џамал Мареј, но на сцена стапија други кошаркари, кои најчесто се во втор план.


