Деветтиот стрелец на вечната листа во НБА лигата, Џејмс Харден го напушти Лос Анџелес Клиперс и во иднина ќе го носи дресот на Кливленд Кавалирс, по првата трејд бомба што се случи зимава.
Преодниот рок во НБА завршува утре, се очекуваат уште неколку блокбастери, но трејдот на Харден секако ќе биде еден од најголемите годинава. Веќе неколку недели се зборуваше за можното заминување на ветеранот кој во Клиперс не гледаше шанса да стигне до НБА титулата и, наводно, побарал да биде испратен во Кливленд.
BREAKING: The Los Angeles Clippers are trading James Harden to the Cleveland Cavaliers for Darius Garland and a second-round pick, sources tell ESPN. Prolific swap of the star point guards. pic.twitter.com/IHhhhabJnX
— Shams Charania (@ShamsCharania) February 4, 2026
На крајот, неговата желба е исполнета, во спротивна насока заминува Дариус Гарланд и пик во втората рунда на драфтот. Двете страни го добија тоа што сакаат: Клиперс имаат млада ѕвезда на која можат да ја градат својата иднина, а Кливленд доби искуство со кое може да ја нападне шампионската титула во НБА.
За Харден ова ќе биде шести тим во кариерата, по Оклахома, Хјустон, Бруклин, филаделфија и Клиперс. Неодамна тој изби на деветтото место на вечната листа на стрелци, а ќе му треба малку повеќе време за евентуално да напредува бидејќи осмопласираниот Вилт Чембрлен има над 2.600 поени повеќе од него.


