Откако на 1 февруари минатата година од Лејкерс беше испратен во Далас Маверикс, Ентони Дејвис издржа точно една година во тимот од Тексас.
Денеска тој стана дел од мега трејдот меѓу Далас и Вашингтон во кој беа вклучени вкупно осум кошаркари и пет пика на драфтот. Дејвис е испратен во Визардс, заедно со Џејден Харди, Данџело Расел и Данте Ексум, а во спротивна насока се упатија Крис Мидлтон, Еј Џеј Џонсон, Малаки Бранам и Марвин Бегли, заедно со два пика во првата и три пика во втората рунда на драфтот.
BREAKING: The Dallas Mavericks are trading 10-time NBA All-Star Anthony Davis, Jaden Hardy, D'Angelo Russell and Dante Exum to the Washington Wizards for Khris Middleton, AJ Johnson, Malaki Branham, Marvin Bagley III, 2 first-round picks and 3 second-rounders, sources tell ESPN. pic.twitter.com/sfrQQubI5i
— Shams Charania (@ShamsCharania) February 4, 2026
Дејвис сезонава бележи солидни бројки, просечно во дресот на Далас постигнуваше по 20,4 поени, 11,1 скок и 2,8 асистенции, но повторно има проблеми со повреди и во моментов е повреден и не играл од 9 јануари кога настапи против Јута. Неизвесно е кога ќе се врати, некои дури најавуваат дека нема да заигра до крајот на сезоната иако тоа се премногу апокалиптични прогнози.
И Вашингтон и Далас се во незавидна ситуација и со лоши резултати оваа сезона. Далас е 12. на Западот со 19/31, а Вашингон е 14. на Истокот до 13/36. Визардс неодамна го донесоа и Тре Јанг, па можеби може да тргне во добра серија ако навреме заздрават сите кошаркари.


