Актуелниот европски шампион Фенербахче го победи Монако по вторпат оваа сезона, забележувајќи ја својата 18. победа во низа, сметајќи ги сите натпреварувања.
Екипата на Шарунас Јасикевичиус играше добро од самиот почеток и постепено ја зголемуваше својата предност, која на полувремето изнесуваше осум поени. Турскиот тим продолжи да игра подобро, а на крајот од третата четвртина имаше недостижни +14, од кои гостите не можеа да се опорават.
Најдобар играч за победникот беше Хортон-Такер со 28 поени и осум скока. Колсон имаше 14, а Болдвин, Биберовиќ и Јантунен по десет поени. На другата страна, Мајк Џејмс имаше 14 поени, седум скока и осум асистенции. Блосомгејм имаше 12 поени, а Немања Недовиќ имаше осум, со два скока.
Својот последен пораз Фенербахче го доживеа на 8 јануари кога загуби во Дубаи со 81-92. Долгата победничка серија го држи турскиот тим убедливо на првото место во Евролигата.


