Лука Дончиќ ќе го пропушти остатокот од регуларната сезона на Лос Анџелес Лејкерс поради истегнување на левата тетива од втор степен, објави тимот во петокот.
Словенецот е водечки стрелец во НБА и клучен играч во искачувањето на Лејкерс до третото место во Западната конференција, но се повреди при поразот на тимот од Лос Анџелес од Оклахома Сити во четвртокот. Рентгенските снимки ја открија сериозноста на повредата. Лејкерс (50-27) имаат само уште пет натпревари до почетокот на плејофот во недела во Далас.
Истегнувањата на тетивата од втор степен понекогаш бараат недели закрепнување, но Дончиќ има искуство со слични проблеми. Тој пропушти четири натпревари непосредно пред паузата за Ол-стар натпреварите поради уште едно истегнување на левата тетива, но се врати во поставата по паузата. Дончиќ има спектакуларни бројки во својата прва целосна сезона со Лејкерс откако лани дојде од Маверикс. Тој има просек од 33,5 поени, 8,3 асистенции и 7,7 скока по натпревар за Лос Анџелес, а беше прогласен за играч на месецот во Западната конференција за март откако заедно одигра 13 последователни натпревари со 30 поени, вклучувајќи седум натпревари со 40 поени.
Поради повредата, Дончиќ сега официјално излегува од игра за индивидуалните признанија во НБА, вклучувајќи го и она за МВП на сезоната. Мечот против Оклахома беше 64. оваа сезона за него, а за да биде о конкуренција за наградите, мора да игра најмалку 65. Тоа значи дека трката за МВП на сезоната дефинитивно ќе продолжи без него и покрај тоа што при последното рангирање се наоѓаше меѓу најголемите фаворити.


