До крајот на основниот дел во Евролигата остануваат уште три кола, а три екипи се борат за првото место.
Ако до пред неколку недели суверено на врвот беше Фенербахче, сега ситуацијата воопшто не е таква бидејќи бранителот на титулата имаше неколку лоши резултати во серија. Тоа го искористи Олимпијакос кој сега е лидер, а се доближи и Реал кој дојде на само една победа негатива.
Резултатите на овие три екипи последните недели изгледаат како никој да не сака да го освои првото место на крајот од основниот дел на сезоната, а со тоа и да го избегнат проклетството на Евролигата. Во модерната ера на елитното натпреварување, односно откако се игра по сегашниот формат, ниеден тим што во плејофот влегол како прв носител, не успеал потоа да ја освои титулата. Тоа не е суеверие, тоа е статистички факт.
Зад сето тоа постои рационално објаснување. Суштината на тоа е позната спортска фраза: кога почнува Фајнал Фор, секој тим има околу 25% шанси да ја освои титулата. Првото место во основниот дел од сезоната повеќе не носи никаква вистинска предност. Затоа тимовите ретко опсесивно го бркаат првото место. Главната цел е предност на домашен терен во плејофот; првото место е само последица на континуитетот. Сепак, еден тим секогаш мора да заврши на врвот на табелата.
Додека не се појави тим кој ќе ја освои титулата како првопласиран тим, „проклетството“ ќе остане дел од митологијата на Евролигата, дури и ако логиката целосно го објаснува тоа. И кога конечно ќе се случи тоа, тој тим ќе заземе посебно место во историјата на европската кошарка.


