Кливленд Кавалирс и Детроит Пистонс ја комплетираа „осумката“ која ја продолжува борбата за трофејот во НБА лигата.
Во „мајсторките“ од своите серии, овие две екипи остварија победи и си ја продолжија сезоната. Кливленд беше подобар од Торонто со 114-102, додека Детроит го победи Орландо со 116-94 откако претходно беше во негатива од 1-3.
Кливленд си ја обезбеди победата благодарение на одличната трета четвртина која ја доби со 38-19 и во тој период го скрши отпорот на противничкиот тим. Во натамошниот дел од мечот Торонто не успеа да се доближи на помалку од 11 поени негатива. Џерет Ален одигра одличен натпревар, постигнувајќи 22 поена и 19 скока и беше најефикасен кај Кливленд. Барнс со 24 и Берет со 23 поени го предводеа Торонто.
🏆 PLAYOFF BRACKET 🏆
— NBA (@NBA) May 4, 2026
▪️ @DetroitPistons win Game 7, advance to ECSF for the first time since 2008
▪️ @cavs win Game 7, advance to ECSF for the third straight season
The NBA Playoffs presented by @Google continue Monday with two Conference Semifinal games on NBC, Peacock, and… pic.twitter.com/56dzZ03HQ9
Детроит го преживеа фантастичниот Паоло Банкеро кој постигна 38 поени. Пистонс, сепак, ги имаше Кејд Канингем кој заврши со 32 поена и 12 скока и Херис кој постигна 30 поени и девет скока. Овие две екипи ќе се сретнат меѓу себе во полуфиналето на Истокот, а втората двојка ја сочинуваат Њујорк и Филаделфија.


