Шампионот на Македонија во женска конкуренција, Крива Паланка и претстојната сезона ќе се натпреварува во ВАБА 2 лигата, а денеска е објавен и распоред на натпревари.
Сезоната почнува на 26 септември, а првиот турнир и настап на Крива Паланка ќе се одржи тој викенд во австрискиот град Грац каде ќе се сретне со истоимениот домаќин и со Марибор. Крива Паланка ќе биде домаќин на турнирот на 28 и 29 ноември на кој ќе учествуваат уште Грац, Бановиќи и Приморје.
Основниот дел од ВАБА 2 лигата завршува на 21 февруари, а Ф4 турнирот е на програмата на 13 и 14 март. Домаќинот дополнително ќе биде одреден.


