Поранешниот европски шампион Партизан официјално го потврди ангажманот на Итан Томпсон, кој потпиша двегодишен договор со белградскиот клуб и стана осмото засилување на црно-белите во летниот преоден рок.
Американскиот бек во Белград пристигнува од Индијана Пејсерс, за која минатата сезона одигра 32 натпревара во НБА-лигата. Просечно постигнуваше 7,0 поени, 2,2 скока и 1,8 асистенции по натпревар.
Томпсон е роден на 4 мај 1999 година во Калифорнија, а пред да стигне до НБА лигата настапуваше за Орегон Стејт и во развојната лига. Токму во развојната лига тој беше соиграч со Карлик Џонс, со кого повторно ќе дели соблекувална во Партизан.
Itan Tompson je novi košarkaš Partizana Mozzart Bet! Američki bek koji nastupa za reprezentaciju Portorika, osmi je igrač koji je ovog leta pojačao crno-bele.⚫️⚪️
— KK Partizan Mozzart Bet (@PartizanBC) August 16, 2026
U redove Partizana, Tompson dolazi iz Indijana Pejsersa. Osim u NBA, nekadašnji igrač Oregon Stejt koledža je… pic.twitter.com/umnTgVhj8Z
Новиот бек на белградскиот тим има и репрезентативно искуство. Иако е Американец, Томпсон настапува за Порторико, со чија селекција играше на Светското првенство во 2023 година, а дел е и од актуелниот репрезентативен состав.
Томпсон доаѓа од кошаркарско семејство. Неговиот татко Стивен Томпсон има настапувано во НБА лигата, додека неговиот постар брат Стивен Томпсон Јуниор исто така го носел дресот на Порторико Со неговиот ангажман Партизан дополнително ја засилува бековската линија и продолжува со создавањето на целосно изменет состав за новата сезона.


