Она што требаше да биде обична подготовка за новата сезона, во еден момент се претвори во сериозен инцидент и масовна тепачка.
На пријателскиот натпревар меѓу Бешикташ и ЦСКА Москва дојде до физички конфликт во последната четвртина. Тензиите ескалираа по дуелот меѓу Јуџин Оморуји и Иван Ухов, по што двајцата кошаркари беа исклучени. Во продолжение дојде и до кратка општа пресметка меѓу играчите.
Целиот инцидент се случи во непосредна близина на тренерот на Бешикташ, Душан Алимпијевиќ. Српскиот стратег во првиот момент беше изненаден од случувањата, а потоа се обиде да ги раздели кошаркарите и да ги смири страстите.
😳 Beşiktaş – CSKA maçında tansiyon çok yükseldi!
— Eurohoops Türkiye (@EurohoopsTR) September 8, 2026
📰 Eugene Omoruyi ve Ivan Ukhov, karşılıklı yumruklaşmanın ardından maçtan ihraç edildi.
pic.twitter.com/26aRGI0JhZ
И покрај непријатната сцена, Бешикташ на крајот убедливо славеше со 80-57. За турскиот тим ова беше втор триумф во третиот подготвителен натпревар пред почетокот на новата сезона. Најефикасен во победата беше Ентони Браун со 16 поени, додека Анте Жижиќ постигна 15, а Дејвид ДеЏулиус додаде 12 поени.


