Тиквеш стигна до значајна победа во петтото коло од Суперлигата, откако на домашен терен го совлада ТФТ со 77-74.
Кавадарчани покажаа карактер и успеаја да ја надоместат негативата од десет поени, а драматичната завршница ја круниса Волф со решавачкиот погодок во последната минута.
Натпреварот доби драматичен тек во вториот дел, кога Тиквеш мораше да ја брка предноста на скопскиот тим. И покрај негатива од десет разлика, домаќините не се предадоа, постепено ја топеа разликата и успеаја да го вратат дуелот во неизвесна завршница.
Кога се решаваше победникот, Волф ја презеде одговорноста и го постигна кошот што го одлучи натпреварот во последната минута. ТФТ имаше можност да се спаси во преостанатото време, но домаќините ја задржаа предноста и на крајот се радуваа на триумф од 77-74. Волф беше и најефикасен на мечот со 24 поени, Глигоријевиќ постигна 19, а Смит 18. Прво име на ТФТ беше Зафиров со 18 поени.
Со оваа победа Тиквеш стави крај на серијата од три порази, а ТФТ остана без победа на гостински терен и по три одиграни натпревари.


