Српскиот стручњак Игор Кокошков доби отказ од тренерска функцијата на Анадолу Ефес. Турскиот прволигаш денеска ја објави информацијата, а разделбата со Кокошков доаѓа неполни 24 часа откако Жељко Обрадовиќ го напушти Партизан.
„Се разделивме со Игор Кокошков, му благодариме за неговиот придонес во нашиот клуб и му посакуваме успех во следната фаза од неговата кариера. Нашиот тим ќе продолжи со својата работа под водство на Радован Трифуновиќ додека не биде избран нов главен тренер“, пишува во соопштението од Анадолу Ефес.
Anadolu Efes Spor Kulübü olarak Sayın Igor Kokoškov ile yollarımızı ayırmış bulunuyoruz.
— Anadolu Efes SK (@AnadoluEfesSK) November 27, 2025
Kendisine kulübümüze verdiği emekler için teşekkür eder, kariyerinin bundan sonraki dönemi için başarılar dileriz.
Takımımız, yeni başantrenörümüz belirlenene kadar çalışmalarını Radovan… pic.twitter.com/ffc3LtzuCz
Поранешниот европски шампион е на 15. место во Евролигата со пет победи и осум порази. Последниот пораз од 36 поени разлика против Монако беше повод турскиот клуб да одлучи за промена. Дополнително, Ефес претрпе три последователни порази во турското првенство од кои последниот беше во неделата од Тофаш, предводен од Емил Рајковиќ.
Кокошков издржа на клупата на Ефес само четири месеци откако беше назначен на 2 јули со цел да го крена тимот од бездната во која се наоѓаше тогаш.


