Европскиот првак Олимпијакос поведе со 2-1 во финалето од грчкиот плејоф откако вечерва на домашен терен славеше со 102-92.
Тимот од Пиреја водеше во текот на целиот меч и покрај тоа што повторно имаше неколку осцилации и му дозволи на Панатинаикос да се доближи. Во клучните моменти ги имаше расположените Фурние, Везенков и Милутинов кои се погрижија предноста да биде задржана и Олимпијакос да дојде на една победа од нова шампионска титула.
🚨Ergin Ataman çok sinirlendi ve maçtan atıldı! 😳😳😳
🤔Nigel Hayes-Davis’e faul yapıldığını söyleyen Ergin Ataman çok sinirlendi ve sahanın ortasına kadar gelerek hakemlere itiraz etti ve maçtan ihraç edildi!
Maçın bitimine 51 saniye kala skor
Olympiakos 96-87 Panathinaikos https://t.co/f4364yYC1U pic.twitter.com/faHvWJiK9w
— Euroleague Basketbolu (@EBasketbolu) June 8, 2026
Кога веќе стана јасно дека е немоќен да направи што било, тренерот на ПАО, Ергин Атаман повторно почна да беснее, направи инцидент и заслужено беше исклучен. Сето тоа го направи на почетокот од последната минута кога стана јасно дека неговиот тим нема шанси да направи пресврт и да дојде до победа.
Најџел Хејс-Дејвис ја загуби топката од Никола Милутинов, српскиот центар притоа го удри по раката, но судиите не сметаа дека тоа е доволно за фаул. Олимпијакос тргна во контранапад, каде Везенков постигна кош во транзиција, а играта беше прекината бидејќи Ергин Атаман се налути. Тој влета во теренот и побара објаснување зошто немаше фаул врз Хејс-Дејвис, само за судиите прво да му покажат една, а потоа уште една техничка грешка, што автоматски значеше исклучување за турскиот тренер.
Четвртиот натпревар од финалната серија се игра в среда на теренот на Панатинаикос. Ако Олимпијакос слави, ќе ја одбрани титулата во домашното првенство.


