Драматичниот натпревар меѓу Панатинаикос и Фенербахче доби свое продолжение по завршувањето, односно по победничкиот кош што го постигна играчот на турскиот клуб Вејд Болдвин.
Малку недостасуваше да дојде до тепачка, а целата работа ја замрси токму Болдвин. Откако погоди за победа, тој застана триумфално на центарот на теренот, свртен кон играчите на Панатинаикос. Тоа не му се допадна на Матијас Лесор кој не игра поради повреда, но беше покрај клупата. Французинот тргна да го тепа Болдвин и само реакцијата на Јасикевичиус и Де Коло спречија поголем инцидент.
Mathias Lessort charged towards Wade Baldwin as he stood in the middle of the court, celebrating the game-winner 😳pic.twitter.com/PIsCluuYwu
— BasketNews (@BasketNews_com) February 13, 2026
Интересно е тоа што Болдвин очигледно не сфати колку е сериозна ситуацијата и продолжи да провоцира, прво влезе во вербален дуел со Слукас, а потоа и со домашните навивачи. Атмосферата буквално зовре, играчите на Фенербахче не можеа да се пробијат до тунелот кон соблекувалната, мораше да реагира обезбедувањето и буквално да ги истурка гостите.


