Словенечкиот репрезентативец Влатко Чанчар од денеска не е играч на Олимпија Милано откако спогодбено го раскина договорот со најтрофејниот италијански клуб.
Иако дојде како големо засилување од НБА, Чанчар од почетокот не беше во плановите на тренерот Еторе Месина, судбина која лани ја доживеа и македонскиот репрезентативец Ненад Димтријевиќ, но во подоцнежниот дел од сезоната. Словенецот досега одигра само два натпревара, двата во Евролигата, на теренот помина вкупно 17 минути и не постигна ниеден поен. Во италијанското првенство воопшто не доби шанса и уште во текот на викендот можеше да се претпостави дека ќе дојде до крај на соработката.
L’Olimpia e Cancar rescindono: “A presto, in campo”
🇮🇹 La Pallacanestro Olimpia Milano comunica che il club e Vlatko Cancar hanno deciso di comune accordo di rescindere il contratto in corso. L'Olimpia desidera ringraziare Cancar per il comportamento esemplare, la… pic.twitter.com/L1kwYw64ho
— Olimpia Milano (@OlimpiaMI1936) October 22, 2025
За разлика од Димитријевиќ, кој одлучи да остане до крајот на сезоната, Чанчар одлучи веднаш да си замине од Олимпија Милано и повеќе да не соработува со Месина.
Поради Олимпија Милано и тренерот на овој клуб, тој не настапи ни на Европското првенство што наиде на критики во Кошаркарскиот сојуз на Словенија и целокупната спортска јавност во неговата татковина.


