Шпанскиот гигант Барселона останува најтешкиот можен противник за Партизан бидејќи и по 15 години, „црно-белите“ не успеваат да ја победат на официјален натпревар.
Денеска беше блиску да го прекине проклетството кое трае од 2010 година, имаше двоцифрено водство, но не успеа да се одбрани во клучните моменти и гостите славеа со 78-76. Искуството на Барселона дојде до израз во финишот, а одлучи неверојатната тројка на Вил Клајбурн кој погоди речиси од центарот на теренот и тоа „без коски“ на 32 секунди пред крајот. Партизан имаше напад можеби и за победа, Стерлинг Браун се направи добро, требаше само мирно да положи, но гостите ја извадија топката од обрачот и потоа буквално им ја скрија на противниците кои успеаја да направат фаул дури на секунда пред крајот.
Bona Castanyada, culers ☄ pic.twitter.com/U22P8bQfz4
— Barça Basket (@FCBbasket) October 31, 2025
Тајрик Џонс одигра одличен натпревар, постигнувајќи 15 поени, 13 скока и 7 асистенции. Сепак, далеку пред него беше Торнике Шенгелија кој го одигра најдобриот натпревар оваа сезона, постигнувајќи 24 поени, 5 скока, 5 асистенции и 4 украдени топки за индекс 42.
Денеска се играа уште четири натпревари, Хапоел загуби на гостувањето кај Олимпијакос со 58-62 и е симнат од челната позиција на табелата каде сега се наоѓа Жалгирис.
РЕЗУЛТАТИ
Монако – Панатинаикос 92-84
Олимпијакос – Хапоел 62-58
Басконија – Анадолу Ефес 86-75
Партизан – Барселона 76-78.


